МОБУ СОШ № 1 г.Якутск
Муниципальное общеобразовательное бюджетное учреждение "Средняя общеобразовательная школа № 1" городского округа "город Якутск"
Добро пожаловать на официальный сайт

Дьокуускай куорат сахалыы 3 – 4 кылаастарын үөрэнээччилэрин икки ардыгар ыытыллыбыт «Аман ѳс» күрэх түмүгэ

Добавлено: 1 марта 2018 12:25
1114 просмотров |

Ыытыллыбыт сирэ:  Дьокуускай куорат 1-гы №-дээх орто оскуолата.

Буолбут  күнэ: Олунньу ый  18 күнэ,  2017 сыл

Тэрийээччилэр: Дьокуускай куорат 1-гы №-дээх орто оскуолатын алын сүhүѳх кылаастарын учууталлара:

  • Николаева Мария Егоровна, үрдүкү категориялаах алын кылаастар учууталларын холбоhугун салайааччыта;
  • Корякина Лилия Алексеевна, үрдүкү категориялаах алын кылаас учуутала;
  • Сосина Сардана Анатольевна, үрдүкү категориялаах алын кылаас учуутала;
  • Сивцева Мария Егоровна, I категориялаах алын кылаас учуутала;
  • Копылова Лена Власьевна, I категориялаах алын кылаас учуутала;
  • Давыдова Мария Павловна, үрдүкү категориялаах алын кылаас учуутала;
  • Николаева Федора Федотовна, үрдүкү категориялаах алын кылаас учуутала;
  • Иванова Светлана Петровна, үрдүкү категориялаах оскуола библиотекатын сэбиэдиссэйэ.

Тѳрѳѳбүт тыл киһи үөрэҕи-билиини кэбэҕэстик ылынар, өйө –санаата туругурар, майгыта-сигилитэ ситэр иһирэх иэйиитэ уһуктар, өлбөт үйэлээҕи айар-тутар, дьоҕура тобуллар айылҕаттан бэриллибит эйгэтэ буолар.

Оҕо төрөөбүт тылынан саныыр санаатын, тугу билбитин-көрбүтүн сааһылаан кэпсиир үөрүйэҕин сайыннарарга, тылы дириҥник билэригэр, табатык, өйдөнүмтүөтүк таска саҥарыы үөрүйэхтэрин иҥэринэригэр туhаайан олунньу ый  17 күнүгэр Дьокуускай куорат 1-гы №-дээх орто оскуолатын алын сүhүѳх кылаастарын учууталлара көҕүлээhиннэринэн «Аман ѳс» күрэх куорат оскуолаларын сахалыы 3,4 кылаастарын үөрэнээччилэрин икки ардыгар  ыытылынна.

“Аман өс” күрэх сыала – соруга:

- тылы хомоҕойдук, ылбаҕайдык, табатык тутта үѳрэнии;

- саха тыла сүппэтин, умнуллубатын туhугар оҕолору умсугутуу;

 - тѳрѳѳбүт дойдуга тапталы, киэӊ туттууну иӊэрии;

- тыл- этии үѳрэҕэр тирэҕирэн, дьону – сэргэни итэҕэтэр гына бэйэ санаатын этии, үѳрэнии;

«Аман өс» күрэх кыттыылаахтарын, төрөппүттэри, учууталлары, ыалдьыттары көрсө  эҕэрдэ тылы эттилэр Анкара университетын аспирана, билиҥҥи түүр тылларын уонна литератураларын кафедратыгар үлэлиир, Саха сиригэр Хотугулуу Илиҥҥи Федеральнай Университетын ХИНТуоКИ истээччитэ Үмит Шаhин уонна Саха Республикатын Үөрэҕириитин туйгуна, 2011 сылга Россия бастыҥ учуутала, Россия Президенын Гранын кыайыылааҕа, Дьокуускай куорат 1 №-дээх орто оскуола саха тылын уонна литературатын учуутала Анна Даниловна Попова, Саха Республикатын Үөрэҕириитин туйгуна, Саха Республикатын  ыччат политикатын туйгуна, алын кылаас учуутала Мария Егоровна Николаева.

Бу сырыыга 12 оскуолаттан 18 оҕо күөн көрүстэ: 1,2,3,17,26, 29,31, 38 №-дээх орто оскуолалар, Дьокуускай куораттааҕы национальнай гимназията, «Айыы кыhата», Саха гимназия  кытыннылар.

Тыл этии үс түhүмэхтээх буолла:

 I түhүмэх – эрдэттэн бэриллибит тиэмэ5э тыл этии.

II түhүмэх – эрдэттэн бэриллибит тиэмэлэртэн талан ылбытыгар тыл этии.

III түhүмэх – соhуччу бэриллибит тиэмэ5э тутатына тыл этии.

Оҕолор тыл этэллэригэр бэйэлэрин тылларынан уустаан – ураннаан кэпсииллэрэ, тыл этии ис хоhооно кыттааччылар бэйэлэрин толкуйдарыгар, ѳйдөрүгэр – санааларыгар сѳп түбэhэрэ биhирэннэ.

Үѳрэнээччилэр тыл этэллэригэр тиэмэни сѳпкѳ, толору арыйыыга, бэйэлэрин санааларын, билиилэрин – кѳрүүлэрин тиэрдэргэ, истээччигэ итэҕэтиилээхтик этэргэ дьулустулар.

Дьүүллүүр сүбэҕэ үлэлээтилэр:

Ø  Хотугулуу Илин Университетын естественнай наука салаатын сэбиэдиссэйэ Бубякина Айталина Андреевна;

Ø  Өрөспүүбүлүкэтээҕи оҕо уонна ыччат библиотекатын киинин кыраайы үөрэтэр салаа сэбиэдиссэйэ Ефремова Людмила Васильевна;

Ø  Саха  өрөспүүбүлүкэтин национальнай библиотека гуманитарнай салаатын кылаабынай библиотекара Габышева Рена Николаевна;

Ø  Дьокуускай куорат 1-гы №-дээх орто оскуолатын библиотекатын сэбиэдиссэйэ Иванова Светлана Ивановна;

Ø  Дьокуускай куорат 1-гы №-дээх орто оскуолатын иитии үлэтигэр директоры      

            солбуйааччы Васильева Надежда Анатольевна;

  • Дьокуускай куорат 1-гы №-дээх орто оскуолатын саха тылын уонна литературатын учуутала Попова Анна Даниловна.

 

Дьүүллүүр сүбэ тыл этээччилэр туттан – хаптан туралларын, тыл этии тэтимин, куолас эгэлгэтэтин, киэҥ эйгэҕэ саҥарар үөрүйэхтэрин, санааларын толору этэллэрин учуоттаатылар.

Түмүк маннык буолла: 3-с кылаас үөрэнээччилэрин икки ардыларыгар:

I степеннээх Диплом хаhаайына – Шараборина Каролина, 26 №-дээх орто оскуола,

                                               учуутала Санникова Татьяна Петровна;

II степеннээх Диплом хаhаайына – Соров Айхал, 17 №-дээх орто оскуола,            

                                               учуутала Заровняева Любовь Святославовна;

III степеннээх Диплом хаhаайына –  Новикова Роксана, 29 №-дээх орто оскуола,

                                               учуутала Жиркова Евдокия Ильинична.

 

Биhирэбил бириистэр:

«Умсугутуулаах этээччи»-  Охлопков Эрэл, 31 №-дээх орто оскуола;

«Хомоҕой тыллаах этээччи» - Николаев Тима, Саха гимназия;

«Төрөөбүт тылга дьулуур» - Константинов Арылхан, 1 №-дээх орто оскуола;

«Дорҕоонноох этээччи» - Рожин Вадим,  ЯГНГ;

«Кэскиллээх этээччи» -  Стручкова Айыына, ЯГНГ, «Айыы кыhата»;

 «Саҥа аат» - Тимофеев Дьулус, 2 №-дээх орто оскуола.

4-с кылаас үөрэнэччилэрин икки ардыгар:

I степеннээх Диплом хаhаайына – Дягилева Айыына, ЯГНГ,

                                               учуутала Максимова Наталья Михайловна;

II степеннээх Диплом хаhаайына –  Лебедев Арылхан, ЯГНГ, “Айыы кыьата”,

учуутала Жиркова Надежда Ивановна;

III степеннээх Диплом хаhаайына – Собакина Жанна, 1 №-дээх орто оскуола,

учуутала Сивцева Мария Егоровна.

 

Биhирэбил бириистэр:

«Итэҕэтиилээх тыл-өс»-  Леонтьева Сайаана, 3 №-дээх орто оскуола;

«Уран тыл-өс» - Богдашина Дарияна, 38 №-дээх орто оскуола;

 «Төрөөбүт тылга дьулуур» - Карпов Артур, 2 №-дээх орто оскуола;

«Кэскиллээх этээччи» - Архипова Аня, Саха гимназия;

«Хомоҕой тыллаах этээччи» - Яковлев Артур, 17 №-дээх орто оскуола;

 «Дорҕоонноох этээччи»- Черкашин Дамир, 31 №-дээх орто оскуола.

 

Кыайыылаахтар дипломунан, анал аат хаhаайыннара грамоталарынан наҕараадаланнылар.

Саӊа кэмӊэ ийэ тылбыт этэр имэӊин, дириӊ ѳйүн толору этэр, туттар, ѳйдүүр туhугар тыл этэн араатардыыр күрэх урдук таьымнаахтык ааста.

 Саха оҕолоро, кыра сааскытыттан төрөөбүт тылгытынан саңаран, ийэ тылгытынан кэпсэтэн, ааҕан-суруйан улаатаргытыгар. Өркөн өйдөөх, кэрэ дууhалаах, көрсүө майгылаах, киэң билиилээх Сахабыт сиригэр туhалаах буоларга кыhаллың!

Эhиил “Аман өс" күрэххэ өссө элбэх оскуола кыттыа, оҕолор таhымнара быдан үрдүө диэн эрэнэбит.

Николаева Мария Егоровна,

Дьокуускай куорат 1 №-дээх орто оскуолатын

алын сүhүөх кылаастарын учууталларын холбоhугун салайааччыта

 

Төрөппүттэр санаалара...

Максимова Наталья Михайловна,  ЯГНГ төрөппүтэ:

“Биhиги быйыл “Аман өс” күрэххэ иккис сылбытын кытынныбыт. 1 миэстэ буолан олус астынан олоробут. Олус үрдүк таhымнаахтык ыытаргытын былырыын бэлиэтии көрбүппүт. Олус чуолкай, тэттик түhүмэхтээх бэрт күрэҕи толкуйдаабыккытын олус хайгыыбын. Хайдах эрэ ураты наҕыл, истиҥ, оҕолорго харыстабыллаах сыhыаннаах тэрээhин. Бары тэрийбит учууталларга, 1 №-дээх оскуола коллективыгар барҕа махтал! Ситиhиини баҕарабыт.”

Алина Иванова, 17 №-дээх орто оскуола төрөппүтэ:

“Биhиги маннык “Аман өс”куораттааҕы күрэххэ  саҥа кытынныбыт. Күрэх аhыллыытыгар талааннаах да оҕолор хоhоон аахтылар! Кыыспыт cитиhиитинэн бэйэбитин соhутта. Үөрдүбүт- көттүбүт. Тэрийээччилэргэ барҕа махтал!”

Черкашина Мирани Анатольевна, 31 №-дээх оскуола төрөппүтэ:

 “Оҕо оҕоттон үөрэнэр, эт саастыылаахтарыттан истэн, түргэнник ылынар. Онон биир саастаахтары туспа киллэрии - олус үчүгэй дьаhаныы дии снаатым. Мин санаабар, олус үчүгэй тургутан көрүүнү аастыбыт. Саха оҕото сахалыы ыраастык саҥарыыта, санаатын сөпкө этинэрэ үчүгэй. Оҕолорбут үүнэ- сайда турдуннар!

 Тэрийэн ыытааччыларга Үрдук махталбытын этэбит. Дьүүллүүр сүбэ эйэҕэс- сайаҕас, оҕоҕо сымнаҕас сыhыаннаах буолуутун ордук сэргээтим. Өссө да сайда туруҥ! Сылтан сыл кыттааччылар элбии турдуннар. Махтал буоллун!

Лебедева Саргылана Николаевна, “Айыы кыhата”, ЯГНГ төрөппүтэ:

 “Отой наhаа сонун, тэрээhиннээх күрэххэ кытынныбыт. Тэрийээччилэргэ барҕа махтал!”

Тихонова Анастасия Дмитриевна, 2 №-дээх оскуола төрөппүтэ:

“Наhаа үчүгэй наадалаах тэрээhин. Оҕом бастакытын кытынна, үөрэн-көтөн, кынаттанан кэллэ. Барыгытыгар махтал!”

Ноговицына Изабелла Ивановна,  3 №-дээх орто оскуола төрөппүтэ:

 “Сахалыы тылбытын сүтэрбэккэ сайыннара сылдьыаххайыҥ! 1 №-дээх орто оскуола алын кылаас учууталларыгар барҕа махтал! Сылтан сыл аайы ыытылла турдун кэскиллээх тэрээhин!”


Фотогалерея: https://school1-ykt.siteedu.ru/gallery/gorodskoj-konkurs-aman-os-180218/#

Комментарии

Чтобы написать комментарий, необходимо авторизоваться.

Поделиться:

" data-yashareImage="http://school1-ykt.siteedu.ru/media/sub/469/uploads/20180217164601.jpeg">